Venezuela vs Republica Dominicana den final Serie Del Caribe
WILLEMSTAD – Venezuela lo topa ku Republica Dominicana djabièrnè 10 di febrüari 7.30 pm den e gran firal di Serie del Caribe aya den Stadion La Rinconada. Tur entrada pa e wega final ta bende i ta spera un wega hopi pèrta entre e dos grandinan di Serie del Caribe. Den e semi-final Venzuela a gana di Colombia ku skor di 7 pa 5 i Republica Dominciana a dal Méksiko 8 pa 3 djabierne. Manera ta konosi Kòrsou a keda eliminá depsues ku nan a pèrdè kontra Republica Dominicana ku skor di 6 pa 2 djarason último. Kòrsou por mira atras riba un bon aktuashon. Nos tin algun komentario, sifra i detaye di ekipo di Kòrsou den e seri.
BON AKTUASHON
Nos ekipo por mira atras riba un bon aktuashon i a surpasá tur espektativa, espeshalmente e picheo ku a wanta den gran forma. Dado momentu nos tabata number 1 den picheo pa loke ta trata ERA, esta promedio di kareda limpi permití pa 9 inning. Den e último 3 weganan nos a kai te number 5 den ERA. Nos tin vários hungadó ku a destaká entre e grandinan di e torneo.
SERIE NA 2024
No ta konosí kiko lo bai pasa den 2024 na momentu ku e Serie del Caribe tuma lugá na Miami. Kòrsou lo partisipá atrobe? Normalmente pa bo partisipá bo pais mester tin un liga invernal. FEBEKO ta hasiendo esfuerso pa por hunga un liga invernal na Kòrsou ku partisipashon di hopi di nos muchanan ku ta firmá profeshonal i ku ta hunga na USA, República Dominicana i na otro partinan di Mundu. Nos peloteronan ku ta hunga na Hulanda i demonstrá bon nivel den e Serie del Caribe, entre otro Shairon ‘Wecho’ Schoop ku a terminá ku averahe di .417 produkto di 10 hit den 24 turno. Roger Bernadina .278. Kevin Kelly tabatin un ERA di 2.45. Nelmerson Angela, tremendo ku ERA di 1.80, Juan Carlos Sulbaran ku ERA di 0.00. Ela tira 1.2 inning, pero 0.00 su ERA ta.
RÉKÒRT
Kòrsou a terminá na di 7 lugá den 8 ekipo ku rekòrt di 2 ganá i 5 pèrdí. Kòrsou a pèrdè 4 wega sigí despues di tabata na promé lugá riba e di 3 dia di e kompetensia. E standing final tabata Meksiko 5-2, Venezuela 5-2, Colombia 4-3, República Dominicana 4-3, Puerto Rico 4-3, Panama 3-4. Kòrsou 2-5 i Cuba 1-7. Derotanan kontra Cuba, Colombia, Venezuela a pisa masha hopi mes. Ta weganan ku nos tabatin ganá. Pa loke ta trata bateo kolektivo nos tabata na último lugá ku un averahe di .215. Puerto Rico number 1 ku .271, ta sigi Venezuela .263, Colombia .261, Panama .260, República Dominicana .258, Cuba .246 i Meksiko .237. Kòrsou manera nos a skibi tabatin averahe kolektivo di .215.
EKIPONAN SFIRAS
Den picheo República Dominicana tin un ERA di 2.89, Colombia 3.12, Venezuela 3.14, Panama 3.19, Kòrsou 3.41, Meksiko 3.43, Puerto Rico 3.54 i Cuba 6.57. Pa loke ta average di fildeo, Meksiko 978, Puerto Rico .976. República Dominicana .973. Colombia .971, Kòrsou .970, Cuba .966, Venezuela .960, Panama .949. Kòrsou a kompetí bon, e bateo a laga nos na kaya. E interogatorio tabata e picheo ku a wanta bon i e defensa tambe a bai bon. Bon eksperensia mes pa esnan ku ta hunga henter aña na Kòrsou. Darren Seferina i Temesh Lourens ku a gana un wega pa Kòrsou komo picher. Jordan Lucas, Cerilion Soleana i Juremi Profar.
