Vòlibòl a sigi den Klase A i B den Sala Errol Rooi
WILLEMSTAD- Vòlibòl a kontinuá djaluna den Sala Errol Rooi ku wega nan di klase A ora ku Watakeli a enfrenta Xaverianen i tabata e hobensitanan di Xaverianen ku a sali viktorioso ganando den ‘straight’ s♪8t 25-22 ,25-19.
E wega tabata super atraktivo pa wak i e nivel di wega tabata haltu . Den divishon Maskulino Watakeli B a sali brabu kontra Shuatanari pero Shuatanari ta zona un kampanaso ora ku nan a gana Watakeli, registrando asina nan promé viktoria di temporada 2-1 ku parsial 25-18,21-25 i 15-10. Dutly Damas e playing manager di Shuatanari Maskulino a drumi felis djaluna. Mas lat Titus i Xaverianen a sera e hornada di djaluna i tabata Titus ku mester a husa tur su hèrment nan pa gana Xaverianen 2-1 ( 25-10,21-25 i 15-8) Notabel ta ku tin hopi hóben relativamente yòn ta hungando den klase A i nan lo ta e relevo ku lo bai tuma kontròl pronto den klase superior. Vòlibòl ta kontinuá diadumingu awor ku e play-off final di klase Superior ku e wega # 4 entre Stakamahakchi i Shuatanari ikaminda Shuatanari ta ariba 2-1 i riba e mes un fecha aki Watakeli i Xaverianen tei bati kabes ku otro den e seri ku Watakeli ta dilanti 2-1.
•
![](https://uploads-ssl.webflow.com/5d34a02fd1cb7f04ec361a56/5f3407d91e53a27f63d2c260_mas%20akshon%20na%20nate%20wate%20i%20xaveria%20web.jpg)
![](https://uploads-ssl.webflow.com/5d34a02fd1cb7f04ec361a56/5f3409240e0b951954e15190_watekli%20femenino%20coach%20grandi%20web.jpg)
![](https://uploads-ssl.webflow.com/5d34a02fd1cb7f04ec361a56/5f3409e677a4b35b6db2a944_xaveiranan%20femenino%20a%20web%20b.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)