Watakeli i Stakamahakchi ta prolongá nan titulo di Kampion di Kòrsou
E kampionato di vòlibòl 2019/2020 a yega na su final djadumingu ora ku Stakamahakchi a superá Shuatanari i bai ku e medaya di oro den klase femenino superior. Apesar ku a hunga sin públiko djadumingu e wega nan tabata emoshonante. Stakamahakchi a sali kue e dos promé sèt nan 25-18 i 25-20 pero Shuatanari ta bòns bèk i gana e di tres sèt 25-15. Den set # 4 wega e bai punto pa punto pero Stakamahakchi a poderá di e sèt aki ganando ku e diferensia minimo 25-23 pa gana e seri i mantené su título di Kampion di Kòrsou. Shurdelys Meulens a sobresalí den e seri final aki a bai ku e premio di e hungadó mas valioso di e seri final.
![](https://uploads-ssl.webflow.com/5d34a02fd1cb7f04ec361a56/5f45c1d92f4c21c86d17eddf_Stakamahachi%20kampion%20front%20web.jpg)
![](https://uploads-ssl.webflow.com/5d34a02fd1cb7f04ec361a56/5f45c280aa453e4949fcab94_mvp%20femenino%20shuredly%20meulen%20s%20web.jpg)
MASKULINO
Den klase maskulino, Watakeli a bolbe demonstrá dikon nan ta kampion di Kòrsou ora nan a superá Xaverianen pa prolongá nan titulo di Kampion di Kòrsou. Watakeli tabatatin un dominio total di e wega ayera i tabata solamente den e set #3 ku nan a deskuidá un ratu pero nan a rekuperá na tempu pa gana e wega 3-1 ( 25-20. 25-20. 21-25 i 25-11) . Shurandy Valoriano pa su aktuashon sublime den e seri aki a resultá e hungadó mas valioso di e seri final.
Apesar di tur e reto nan ku deporte engeneral ta tin e aña aki, Fevoko por mira bèk riba un temporada eksitoso i trabou tei sigi pa kompletá e kalendario di kompetensia den klase A i hubenil.
![](https://uploads-ssl.webflow.com/5d34a02fd1cb7f04ec361a56/5f45c2bc463a1dcf659f0e36_watakeli%20ekipo%20web.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/5f340ebc10e0c3c5f573f467_jerry%20booi%20aviso%20real%20real.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)