Wega desisivo di semi-final entre Ban Serio i Baranka djasabra 2’or
WILLEMSTAD- Djasabra 20 di novèmber pa 2’or pm lo tin wega desisivo di e play-off semi-final entre ekipo Ban Serio i Baranka na Van Engelen Ballpark. E seri ta empatá na unu despues ku Ban Serio a gana e promé wega djasabra 13 di novèmber ku skor di 2-1.
Ban Serio kampion di Liga 50 temporada 2017, 2018 i 2019 mester bai serio pa logra gana di Baranka.
Baranka a gana wega number 2 djadumingu 14 di novèmber ku skor di 6 pa 5. Ganadó di e wega di djasabra awor lo topa ku Pitufos ku a gana dos wega stret di ekipo Lions i pasa pa final. Nos no a risibí e numeritonan di e weganan di semi-final ariba menshoná. Final lo start djasabra 27 di novèmber i lo sigi djadumingu 28 di novèmber.
Baranka a klasifiká pa promé biaha den Liga 50 i lo sigi fuerte den e próksimo añanan.
Hugada pèrtá i deskutí ketu bai kaminda Edmar Cornelia tabata yegando home. Fabiani Orcadio ta kètcher i umpire Rumini Thode a dekretá out.
Kenrick Hellement picher habridó pa Baranka djasabra awor kontra Ban Serio.
Tucu Martinus probabel picher habridó di Ban Serio djasabra.
Algun hungadó di Baranka den dugout.
Fanátikonan durante wega.
Jerry Booi maager di Ban Serio ku reklamo pa umpire Rumini Thode.
