Sòftbòl Slowpitch - Wega finalisimo entre Baranka i Pitufos djasabra 2’or na Van Engelen Ballpark

Wega finalisimo entre Baranka i Pitufos djasabra 2’or na Van Engelen Ballpark

WILLEMSTAD- Djasabra 2’or pm lo tin e wega finalisimo entre Baranka i Pitufos den Liga 50 na Van Engelen Ballpark. Promé i despues di e wega menshoná tin partidonan di Kopa Navideño. Ya managernan a anunsiá nan pichernan habridó ku ta Kenny Hellement pa Baranka i Janchi Cicilia pa Pitufos. Ganadó di e wega ta kampion Liga 50 Sòftbòl naturalmente. Despues di wega tin entrega di premio. Nos tin skèdjel kompletu i numeritonan di e promé dos weganan di final.

Pitufos buskando e titulo despues di 5 aña.

Djasabra 4 di desèmber tin e último wega di final Liga 50 entre Baranka i Pitufos.
12.00 Wega di Kopa Navideña
14.00 Baranka vs Pitufos (toss) wega final
16.00 Wega di Kopa Navideña
E Ekipo di Jaws tin barwacht.

‍
Baranka loko pa nan promé titulo den 50 +.

Djasabra 27 di novèmber
Baranka 18, Pitufos 7
Baranka tabatin 20 hit ku 2 eror. Kenrick Hellement a gana. Grensly La Croes i Curtly Valeriaan, ámbos a bai di 3-3. Herman Gumbs, Shendy Cras i Kenrick Hellement, tur 3 a bai di 2-2, Fisel Pereira di 4-3. Sedeney Lourens ku Edmar Cornelia a bai di 2-1 ámbos. Dennis Dambruck, Emmeric Agatha ku Gregory Reina, tur a bai di 3-1. Grensly La Croes i Herman Gumbs, ámbos a konektá 2 homerun i Sedeney Lourens a konektá 1. Pa Pitufos 11 hit ku 1 eror. Johan Cicilia pèrdè. Jurgen Kronstadt ku Raymond Constancia a bai di 2-2, ámbos. Richenel Juliana, Norwin Moesquit ku Rudolf Balentina tur 3 a bati di 3-2. Jurwin Duggan di 3-1. Jurgen Kronstadt a konektá 1 homerun.

Fanátiko bini tempran pa haña lugá den tribune.

Djadumingu 28 di novèmber
Pitufos 14, Baranka 1
Pitufos a dal 13 hit i nan a hasi 1 eror. Johan Cicilia tabata picher ganadó. Terry Rosina a bai di 2-2. Rudolf Balentina ku Johan Cicilia a bai di 1-1, ámbos. Richenel Juliana, Sharlon Louisa ku Gilbert Gonet, tur 3 a bai di 3-2. Jurwin Duggan ku Sidney de Windt, ámbos di 2-1 i Eddy Obispo di 3-1. Rudolf Balentina, Sharlon Louisa ku Gilbert Gonet, kada unu a konektá 1 homerun. Pa Baranka 3 hit ku 1 eror. Kenrick Hellement a resultá pèrdèdó. Curtly Valeriaan a bai di 1-1. Fisel Pereira ku Sedeney Lourens, ámbos di 2-1.