Wega futbòl Kòrsou vs Panama djabièrnè 13 di òktober, pa 5’or den Stadion Ergilio Hato,
WILLEMSTAD - Preparashonnan pa nos próksimo partidonan di Nations League 2023 ta kanando den ful swing! Pueblo di Kòrsou kompletu ta keda invitá pa presensiá nos promé partido di Nations League 2023 na kas, ku lo tuma lugá djabièrnè 13 di òktober próksimo, 5’or di atardi den Stadion Ergilio Hato kaminda nos lo enfrentá Panama. FFK a purba pa hasi un kambio na e orario pero lamentablemente esaki no a logra pues nos partido di djabièrnè ta keda 5’or di atardi.
Nos hungadónan ya ta na Kòrsou i ta kla pa inisiá ku e preparashonnan pa nos partido di djabièrnè awor kontra Panama pa despues nos topa Trinidad & Tobago djamars 17 di òktober próksimo pa 9’or di anochi den Stadion Ergilio Hato.
Manera semper nos tin diferente sekshon, kada ku nan preis i entrada separá pa por ingresá Stadion Ergilio Hato riba dia di wega. Portanan ta habrí for di 3’or di atardi, pues yega trempan pa evitá stagnashon na porta.
Entrada pa e partido entre nos selekshon i Panama pa e tribunanan kubrí ta kosta fl.50 pa adulto miéntras mucha di 6 pa 12 aña i 60+ ta paga fl.25,-. Preis pa e áreanan patras di gol ku no ta kubrí ta kosta fl.25,- pa adulto miéntras mucha di 6 pa 12 aña i 60+ ta kosta fl. 10,-
Komo nos ta den temporada di vakashon nos a bin ku ‘special’ pa tur nos mucha i hóbennan.
Tur mucha i hóben te ku 15 aña ku presentá na porta ku un suèter blou bistí, por drenta pòrnada. Kòrda ku e hóbennan mester presentá ku un ID bálido pa por identifiká nan mes.
Karchinan ta optenibel na siguiente puntonan di benta;
• Ofisina di FFK (9am-7pm) tene kuenta ku riba 10 di òktober ofisina ta será.
• Pòmp di gasolin Sta Maria
• Botika Mampuritu
• 4th of July snèk
E ora 0 ta yegando pa bo mira nos selekshon nashonal den akshon kontra Panama aki na Kòrsou riba djabièrnè 13 di òktober próksimo den Stadion Ergilio Hato!
Wak pa bo tei…nos selekshon ta konta ku bo!
KARCHI
Manera semper nos tin diferente sekshon, kada ku nan preis i entrada separá pa por ingresá Stadion Ergilio Hato riba dia di wega. Portanan ta habrí for di 3’or di atardi, pues yega trempan pa evitá stagnashon na porta.
Lèter A i lèter C por drenta di porta 1 òf 3:
Preis pa e áreanan patras di gol ku no ta kubrí ta kosta fl.25,- pa adulto miéntras mucha di 6 pa 12 aña i 60+ ta kosta fl. 10,-.
Lèter B i D por drenta di porta 2 òf 3:
Entrada pa e partido entre nos selekshon i Panama pa e tribunanan kubrí ta kosta fl.50 pa adulto miéntras mucha di 6 pa 12 aña i 60+ ta paga fl.25,-.
Komo nos ta den temporada di vakashon nos a bin ku ‘special’ pa tur nos mucha i hóbennan. Tur mucha i hóben te ku 15 aña ku presentá na porta ku un suèter blou bistí, por drenta pòrnada. Kòrda ku e hóbennan mester presentá ku un ID bálido pa por identifiká nan mes.
Ainda bo no tin bo karchi???
‘LOS CANALEROS’ DI PANAMA, DIFISIL, PERO NO IMPOSIBEL
Sostene selekshon
Apesar di e desorganisashon, manipulashon i desunion den nos futbòl pa falta di dirigente di klup i ko-dirigente di FFK ku falta kurashi pa terminá e situashon aki, nos komo fanatiko no por laga nos selekshon kai. Dirigente tei temporalmente i si ta bon e grupo aki ta halando lastu rosea. Nos mester sostene nos selekshon, apesar ku mi ta kompronde e gritunan riba medionan sosial di fanatikonan disgusta pa boikotia weganan benidero. Nos no por hasie, pasobra e futbòlistanan aki no solamente no tin arte ni parti den e labatiba ku ta eksisti den futbòl, pero nan ta hasi sakrifisio pa bin hunga pa nos kasi pornada i mester tin bista riba e premundial ku den menos ku 6 luna ta bai kuminsá i mester harma un ekipo pa por kompeti,
Mester di tur punto
Den dos wega ku ta bin, Panama i Trinidad, nos mester di tur 6 punto pa sigurá permanensia den liga A. Si nos saka 4 punto tin un chèns, pero e ora ey nos ta dependé di otronan. Na e momentu aki nos ta na di 5 luga den grupo A di Liga A ku 0 punto. El Salvador so ta bow di nos paso nan promedio di gol ta mas malu. E dos últimonan den grupo ta degradá bai Liga B. Trinidad ku nos no mester a pèrdè kune, ta liderá ku 6 punto. E e grupo aki ta hopi parew. Tur hende por kita punto for di otro. Panama ta na di dos luga ku 4 punto.
Panama ta algu serio.
Panama ta sub kampion di Kopa di Oro, e torneo mas prestigioso di nos región. Nan ekipo ta zeta ku basta aña hungando huntu. Ku eksepshon di Michael Murillo, e rèksbèk di Marseilla den Ligue 1 di Fransia, meskos ku nos, nan no tin hopi hungadó grandi. Den gol tin e veterano Luis Mejia di Racing na Uruguay of Orlando Mosquera (Maccabi Tel Aviv). Aparte di Murillo, nan defensa no ta nan parti mes fuerte. Eric Davis (DC United) ku ta hunga riba e banda robes ta hunga riba forsa i e duo sentral di Fidel Escobar (Saprissa) i Andrés Andrade LASK/Oustria ta di nivel regular. Normalmente nan bolante ku e armadó di wega inteligente ‘Coco’ Carrasquilla (Houston Dynamo) ku por wòrdu rekonosé pa su bòshi kabei i nan kapitan Anibal Godoy (Nashville SC) ta nan línea mas fuerte. Pero ey tin un problema serio, paso Godoy, nan motor defensivo mei mei tereno ta leshoná i nan no tin mas bolante defensivo di nivel. Joel Barcenas (Mazatlán) ta un bolante/delantero ofensivo i lo kubri e banda drechi. Kisas e bolante ofensivo veterano Alberto Quintero (Cienciano/Chile) lo remplasá Godoy. Nan atake ta peligroso ku hopi forsa físiko, ku e hábil Ismael Díaz riba ala robes. E dos veteranonan sentro delantero tur dos ta goliadó i ta duru. Probablemente José Fajardo (DC United) lo kubri e banda drechi i Cecilio Waterman (Cobresal) ku ta bon ku kabes lo ta e sentro delantero. Panama ta un di e bonnan den CONCACAF i garantisa, e fanatikada lo mira un futbòl di nivel.
Pantera Negra
Den niun aspekto nos futbòl no ta pasando den su mihó tempu. E desorganisashon ta konta riba nivel di selekshon tambe i pesei por a pèrdè algun bon hungado. Laga nos spera ku ta temporal i ku den e aspekto aki tambe miho tempu lo bin. Apesar di esaki, Dean Gorré a kompilá un ekipo ku por kompeti. E banki no ta fuerte, pero nos por pone 12 pa 13 hungadó riba tereno ku por duna Panama bataya. Doornbusch ta kiper suplente di Dordrecht. Apesar di no tin hopi eksperensia e tin potensial i a militá den selekshon hubenil ulandes i a forma parti di e organisashonnan di Heerenveen i Telstar.
Markelo no ta estelar ku Fortuna Sittard, pero den e lastu dos weganan di selekshon a hunga akseptabel komo rèksbèk. Ela forma parti di e organisashonnan di Everton, Twente i Excelsior. Gaari a perde su puesto komo sentral ku RKC, pero ta un hungado di nivel ku por hunga defensa lateral drechi tambe. Van Eijma tin komo sentral un bon aña ku Top Oss i ta trese poko estatura den defensa. Ogenia ta birando estelar ku Eindhoven i por hunga tur dos banda den defensa. Floranus no tey. Pe dos puestonan defensivo den bolante si nos hunga 4-2-3-1 tin 3 kantidato. Roemeratoe ku Felida di RKC i e veterano Anita (Al-Orobah). Roemeratoe ta parse di ta den mihó forma. Gorré por skohe pa e veterania di Anita of e hubentud di Felida ku ta kore hopi. Juninho ta estelar den e línea di tres mei mei tereno. Pa e alanan tambe tin 3 kantidato. E veterano Kuwas (Giresunspor), Gorré (Um-Salal) ku a hunga bon e lastu weganan of e hoben Margaritha (Sabah FK). Janga (Bnei Sakhnin) ta parse e uniko opshon pa kuminsa den punta di atake. Ku esfuerso i sakrifision total, Panama ta posibel. Finalmente, danki na gobiernu ku a koperá atrobe pa skapa kara di Kòrsou.
%20copy.jpg)
