Weganan di Liga di Nos Tur i Liga 60 suspendé pa motibu di COVID-19
WILLEMSTAD- En konekshon ku un kaso di COVID-19 konsiderá komo transmishon lokal, algun liga a para nan weganan pa wikènt aki. Ta trata aki di Liga di Nos Tur i Liga 60, tur dos liga ta hunga na Frank Curiel Ballpark i tur dos liga ta bon bishitá. Liga 60 ta djabièrnè anochi i Liga 60 djadumingu.
Djasabra awor lo tin un total di 8 wega ta tuma lugá na Van Engelen Ballpark riba vèlt A i vèlt B. Den Liga 50 pa 2’or lo tin kandela na momentu ku Pitufos enfrentá Marlins riba vèlt A. Tambe na kontinuashon di kampionato Liga Amstel pa 10’or riba vèlt B e gran kampion Bombers lo topa ku Cicoza den otro wega kayente. Awe nos tin skèdjel di e weganan di e diferente liganan ku lo tuma lugá durante e wikènt di 22 i 23 di ougùstùs pa nos lesadónan.
Liga 50
Djasabra 22 di ougùstùs, na Van Engelen Ballpark Vèlt A: 10.00 Catpower – Baranka/Sharks; 12.00 Ban Serio – Sluggers; 14.00 Pitufos – Marlins; 16.00 Lions – Flamboyan Tigers.
Liga Amstel
Djasabra 22 di ougùstùs na Van Engelen Ballpark Vèlt B: 10.00 Bombers – Cicoza; 12.00 Gamers – Terremaster; 14.00 Terremoto – X_Treme; 16.00 Sugar – Thrillers.
Beisbòl Veterano
Djasabra 22 di ougùstùs na Vi Jansen Ballpark:10.30 Santa Maria Pirates – Vosama;13.00 Yesterday – Santa Rosa Memories; 15.30 Jandoret Raiders – Veteranos Otrabanda.
Djadumingu 23 di ougùstùs na Vi Jansen Ballpark: 10.30 Quality Stars – Marlins; 13.00 The Brothers – Azucar; 15.30 Marchena Stars – Isla Crackers.
