Wikènt final di Torneo FABB ku partisipashon di ekiponan di Aruba

Wikènt final di Torneo FABB ku partisipashon di ekiponan di Aruba

WILLEMSTAD - Montaña Ariba ta invikto i Montaña Abou tabata  invikto den Torneo di Little League organisá pa Fundashon Akademia di Beisbòl Brievengat (FABB).  Nan tabatin rèkòrt di 3 ganá i 0 pèrdí i ta pendiente pa playoff i ekiponan di Aruba ku a yega djaluna último pendiente e gran final di Torneo FABB. Montaña Abou a pèrdè ku skor di 2-1 djabièrnè kontra Rincones di  Aruba. Djasabra nan a bòns bèk i gana di Trai Seru 8-2. Van Engelen a gana di  Underdog Aruba 9-8 I lo topa ku Montanja Abou djasabra atardi 7’or pm. Aruba a yega djaweps s ku 3 ekipo di Little League i 1 di Minor pa e parti kulminante di e torneo. Nos tin resultado di e ultimo weganan.

Resultadonan Djasabra 13 di yanüari Van Engelen12, Montanja Abou 1(Minor); Brievengat 1, Trai Seru 0(Minor);Montanja Ariba 7, Sta Rosa 5(Minor); Trai Seru 10,  Santa Rosa  0 (Little); Montanja Abou 6,  Koraal Specht 0 (Little);Montanja Ariba 3, Van Engelen 2(Little);Brievengat 15, Salinja 0(Little).

Djadumingu 14 di yanüariBrievengat 13, Montanja Abou 10(Minor);Montanja Ariba 14, Van Engelen 5(Minor);Trai Seru 7, Sta Rosa 4(Minor);Van Engelen 5, Trai Seru 2(Little).

‍

MAS INFORMASHON DI BEISBÒL I SÒFTBÒL

Fanátikonan di Extra Inning, bon dia i felis fin di siman siman. Fin di siman kargá ku weganan di Little League di Torneo FABB na Van Engelen Ballpark.  Nos tin resultadonan den nos edishon di djaluna.  Ekiponan di Aruba ta na Kòrsou manera ya a bira un tradishon den kulminashon di e torneo.  Bon públiko pa mira e weganan di tantu Minor komo Little League na Van Engelen. Nos a risibí e resultadonan di Rignald Martina, direktor di kampionato i motor tras di e torneo.

Djaluna ekipo Jandoret Raiders a kumpli 28 aña di eksistensia.  Jandoret Raiders despues ku nan tabata den Slowpitch pa 16 aña a move pa Beisbòl Veterano i logra 5 título. Djaluna e hungadónan a bini huntu pa rekordá e echo aki. Den kurso di dianan nos tin mas detaye di e historia di Jandoret Raiders. Ekipo ku ta molibisá masha hopi fanátiko di Jandoret i bisendario i rònt Kòrsou tempu di nan tempu den Beisbòl Veterano den mas ku 5 final sigí. Nos ta kòrda finalnan kayente entre Jandoret Raiders i Vosama, Jandoret vs Isla, Jandoret vs Bulldogs i Jandoret kontra di Santa Maria Pirates.

Djadumingu 14 di yanüari tabatin inskripshon di Festival di Tumba. Deporte di Sòftbòl i Beisbòl entre adultonan ta slow e dianan aki. Ni training no tin i pa otro siman si ku ta e siman di Festival di Tumba algun ekipo lo kuminsá move. Nos a risibí informashon ku e ekipo Nos Tambe Por lo train djdjalunaps awor na Frank Curiel Ballpark. Veteranonan 60+ a mester a kuminsá train  djamars  16 di yanüari kaminda tur hungadó 60+ di tur ekipo por yega train normal.

Nos a risibí informashon di un fuente ku no a invitá ekipo Thirllers/Dream Team pa Torneo Kopa ABC&S na Sint Maarten. Parse ku Sint Maarten mes a pidi for di despues di e kampionato 2023 na Kòrsou pa ekipo Thrillers/ Dream Team ta den Kopa ABC. Awor ta resultá ku Thrillers no por bai mas, debí ku aki na Kòrsou esnan ku ta skohe ekiponan, no a skohe Thrillers ku a hasi un tremendo trabou tantu riba tereno komo pafó di tereno (bar). Nos ta pendiente pa mas detaye ta kua ekipo lo ta na Sint Maarten. Ta parse ku ta Swift, Teremoto, Cicoza i lo mester tin un ekipo mas. Na momentu ku e notisia a drenta ayeranochi nos no a haña dirigentenan di ABC&S pa duna detaye.

Little League ta pendiente pa start ku un kurso pa umpire i skorernan di Little League. Curacao little League Foundation ke pa hungadónan di Beisbòl Veterano i Sòftbòl Veterano bin yuda ku direkshon di weganan. E kursonan lo ta na enkargo di entre otro Karate Kid Martina. Nos ta kòrda ku mas o ménos 8 aña pasá tabatin un kurso di umpire ku basta partisipante ku tabata tuma lugá na SVB. Tabatin práktika na Vi Jansen Ballpark i na Stadion Johnny Vrutaal   Frank Gijsbertha, un di nos mihó umpirenan den historia, tabata na Kòrsou espeshalmente pa duna e kurso aki. Frank Gijbertha ta biba na Meksiko komo umpire profeshonal dirigiendo weganan di Liga Profeshonal aya. E tempu ei nos a produsí mas ku 10 umpire mas pa Little League, Hubenil, RBI, Klase A, Dòbel A, Beisbòl Veterano ets.

E siman aki nos lo risibí informashon di e komishon organisadó di Amstel Bright pa loke ta trata ekiponan ku lo partisipá den e torneo. Interes tabata grandísimo i e torneo lo start djasabra 27 di yanüari ku ta e djasabra despues di e último fecha di Festival di Tumba. E fecha ei lo sali ku algun hungadó wayaba riba vèlt, pero pa djadumingu e hungadónan lo bini bèk den forma. Riba djasabra 27 di yanüari lo ta e promé dia kaminda personanan por pone stellage kanti di kaya. Nos tin informashon ku 4 ekipo di Liga 60 lo partisipá den e sekshon di 60 di Amstel Bright ku ta ekiponan Nos tambe Por, Jaws, Los Amigos i Pitufos. Ta tres ekipo kandela ku a klasifiká den e promé 4-nan di Liga 60 i ekipo Los Amigos ku a gana torneonan di 2023 i lo ta den gran forma ku vários atkisishon nobo pa e kampionato benidero. Nos ta keda te aki pa djaluna, te mayan ku Poder di Dios.