Wild Cats ta bolbe gana i djaweps awor tin wega number 7
WILLEMSTAD- Wild Cats a dal Santa Rosa 12 pa 5 djadumingu pa fòrsa wega desisivo di e play-off final di Beisbòl Dòbel A. E wega desisivo lo tuma luga djaweps 15 di òktober den Tio Daou Ballpark. E picher derecho Risandro Pastor a bolbe tira bon pa Wild Cats logra viktoria. Risandro Pastor ku tabata e picher habridó a tira 5 inning (106 lansamentu) tuma 2 kareda di kual tur dos tabata shushi. Pastor a tira 6 ponche i 3 base por bola. Wild Cats a usa 4 picher mas, Jediah Kwidama, Kennimar Leocadia, Sidney Antonia i Joharvy Martinez. Pa Santa Rosa a start Marc Hennep ku a bai solamente 1.1 inning. A sigi Cezan Rafaela, Rowentley Windster, Michael Angel Vilchez, Shane Quant i Swindley Lint. Wild Cats a nota 9 kareda den e promé 3 inningnan i tabata dilanti 9-0, Santa Rosa a trata na reakshoná den e parti final di e partido i a keda kòrtiku. Daytan Biegel a dal un homerun di 3 kareda den inning number 2 pa amplia e ventaha di 3-0 pa 6-0. Wega finalísimo lo tuma luga djaweps awor pa 7’or den Tio Daou Ballpark.
![](https://uploads-ssl.webflow.com/5d34a02fd1cb7f04ec361a56/5f844780d77e08d28c0e986c_121376043_3395404567352035_8408182454923212371_o.jpg)
NUMERITONAN
Wild Cats a skor na 12 okashon, bati 12 hit i kometé 3 eror. Risandro Pastor a gana. Daytan Biegel, Terrence Josephina, Reangelo Beaumont i Rojean Cleofa a bati di 4-2. Daytan Biegel a dal un homerun.
Santa Rosa a nota 5 kareda, dal 13 hit i kometé 2 eror. Marc Hennep tabata e picher pèrdèdó. Jurgen Statie bati di 4-4, Ildion Martina di 4-2.
![](https://uploads-ssl.webflow.com/5d34a02fd1cb7f04ec361a56/5f8447ae24f91a439d8e23a9_121254107_3395402414018917_4249489319806603191_o.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)