Wild Cats ta gana Santa Rosa 9 pa 7 den un wega dramátiko
WILLEMSTAD- Wild Cats pèrdí ku skor di 7-5 te den di 7 inning, ta nota un kareda den di 8 inning, 3 kareda den di 9 inning pa bòltu skor i finalmente gana ku skor di 9-7. Wild Cats tabata lomba kontra muraya pèrdí den e seri 0-3, ta gana djaweps den un wega dramatiko i keda na bida. Ekipo Wild Cats tabata komodo dilanti 5-0 pero Santa Rosa ta nota 7 kareda den bòm di di 7 inning riba entre otro homerunnan di Shakir Albert i Christopher Pietersz. E homerun di Shakir Albert tabata di 3 kareda i di Christopher Pietersz ku base bashi den di 7 inning. Jair Jurrjens a habri i picha 6.1 inning tirando 116 bala. Ruwensley Bonifacio a relevá tira 1 tersio di inning i tuma homerun di Sharkier Albert. Risandro Pastor a tira 2.1 innign di relevo i bira e picher ganadó. Santa Rosa Indians a usa 6 picher. Siamani Boekhoudt (2.2 inning), Jerrison Beuamont (1.2 inning), Rowentley Windster (1.0 inning), Hershelon Juliana 2.1 inning), Swindley Lint (0.2 inning), Marvin Ludowika (0.2 inning). Wega number 5 di e seri ta djasabra 10 di òktober den Tio Daou Ballpark.
NUMERITONAN
Wild Cats a nota 9 kareda, dal 11 hit i hunga sin eror. Risandro Pastor a gana i Terrence Josephina a bati di 3-3. Calten Caal di 6-3 i Adrley Jansen di 5-2.
Santa Rosa a skor na 7 okashon bati 11 hit i kometé 3 eror. Swindley Lint tabata e picher pèrdèdó. Jevganni Reinita a bati di 2-2, Jurgen Statie di 1-1, Riordan Windster i Swindley Lint di 5-2. Christopher Pietersz i Shakir Albert a bati un homerun.
