Willemstad Cannons ta gana Willemstad Curacao Goats i klasifiká pa final Curacao Professional Baseball kontra di Suns
WILLEMSTAD- Willemstad Cannons atras ku skor di 6-3 ta nota 4 kareda den di 6 inning, pa bòltu e skor i finalmente a gana ku skor di 7-6 di Curacao Goats ku e viktoria aki e ekipo Curacao Cannons a pasa pa final djadumingu i lo enfrentá Curacao Suns ku klasifiká number 1 djabièrnè i pasa dirèkt pa final.
Curacao Suns a gana di Willemstad Cannons djabièrnè ku skor di 9-4 i pasa pa final. Roderick Bernadina a konektá homerun deskomunal kontra di Nigel Calmes ku dos out den di 6 inning pa bòltu e wega di 6-5 i hasi e wega 7-6.
E gran final lo ta djadumingu 10 di desèmber anochi pa 7.30. Lo tin presensia di vários hungadó profeshonal, gimmick, premionan, entertainment, kuminda i bebida.
NUMERITONAN
Willemstad Cannons a nota 7 kareda, dal 8 hit i hasi 2 eror. Picher pèrdèdó tabata Nigel Calmes ku e relevá Scott Prins den di 6 inning. Jonathan Martijn a bati di 3-2 ku 2 homerun i 3 RBI. Ela bira MVP di e wega. Juremi Profar a bati di 3-2. Roderick Bernadina di 1-1 ku un homerun di dos kareda ku a bòltu e wega den di 6 inning.
Curacao Goats a nota 6 kareda dal 8 hit i hasi 1 eror. Nigel Calmes tabata e picher pèrdèdó. Delano Selassa a bati di 3-3.
