Xavierianen ta empatá seri final di vòli maskulino superior na unu
E kampionato di vòlibòl a kontinuá djarason, 5 di ougùstùs ku e wega # 2 di e seri mihó di 5 entre Xaverianen i Watakeli. Xavierianen a presenta ayera ku un formula diferente i esaki a duna resultado . E tim di Suffisant i bisindario a klap Watakeli un 3-0 kontundente! Nuin hende no a spera e resultado aki i e seri ta empata na 1. Ku parsial nan 31-29,25-23 i 25-15 Xaverianen a plama Watakeli foi otro. Rigo Thode a dirigí e wega aki agilmente sin un rèfri asistente i hues di liña. Thode a demonstrá ku e ta tin full kontrol komo e autoridat prinsipal di e wega. E públiko ku ta tei na granel a gosa immensamente di e partido ku tabata yena ku emoshon. Watakeli a kai balente i a duna di konose ku nan lo bin bek. E seri final aki ta kontinuá diadumingu awor despues di e seri final Femenino. Vòli ta sigi kayente !
